Ədəbi əsərlərin öyrədilməsinə ümumi baxış
Ədəbİ əsərlərİn öyrədİlməsİ
Orta məktəb ədəbiyyat kursunun (proqramının)
əsas hissəsini ədəbi əsərlər təşkil edir. Dövlətimizin qarşıya qoyduğu məsul və şərəfli vəzifələr bu əsərlərin
tədrisi prosesində həyata keçirilir.
Ədəbi əsərlərin təlim-tərbiyəvi imkanları
olduqca genişdir. Şagirdyönümlülük, nəticəyönümlülük, inteqrativlik, şəxsiyyətyönümlülük,
şagirdlərdə həyati və ünsiyyət bacarıqların formalaşdırılması və inkişaf
etdirilməsi, onların mənəvi aləminin zənginləşdirilməsi biz müəllimlərin tədris
prosesində bu əsərlərdən necə istifadə etməyimizdən çox asılıdır.
Ədəbi əsərlər bir təsadüf olaraq dərsliklərə
gətirilmir. Onların hər birinin seçilib dərsliklərə yerləşdirilməsində bir
qanunauyğunluq, bir zərurət vardır.
Dərslik müəllifləri dövlətin nə istədiyini
yaxşı bilir və həmin tələbələri ödəyə biləcək bədii nümunələri dərsliyə daxil
edirlər.
Rəsmi sənədlərin qarşıya qoyduğu tələblərlə
Siz də yaxından tanışsınız. Yəni kimi yetişdirməliyik, o şəxsə hansı bilik,
bacarıq və keyfiyyətlər aşılamalıyıq bizə bəllidir.
İndi o vəzifələri uğurla, şərəflə yerinə
yetirmək gərəkdir. Çünki heç kimə etibar olunmayan bir iş, müqəddəs varlıq hesab etdiyimiz şagirdlərimizin
gələcək taleyi(dövlətimizin taleyi) bizlərə tapşırılır.
Bizim görəcəyimiz hər bir iş həyati
bacarıqlara yiyələn, rəqabətə davamlı, öz mövqeyini ifadə etməyi və qorumağı,
kollektivdə ünsiyyət qurmağı və işləməyi bacaran, fərqli fikirlərə hörmətlə
yanaşan, hər bir addımında ailəsini, dostunu, yoldaşlarını, vətənini, onun mənafeyini,
dövlətçiliyini qorumağa hazır olan, rastlaşdığı
problemlərdən qorxmayan, onun məharətlə həll edən, həyati mövqe qazanmağı
bacaran bir insanı yetişdirməkdən ibarətdir.
Dərsliklərdə əksini tapan əsərlər, onların
məzmunu, qaldırdığı problemlər, aşıladığı ideyalar həmin məsələlərin
reallaşdırılmasına, gənclərin bir şəxsiyyət
kimi yetişməsinə, vətəninə və dövlətinə dərin sevgilərlə böyüməsinə, həyata
hazırlanmasına rəngarəng imkanlar açır. Deməli, müəllim bu məqamları bir an da olsa,
unutmamalıdır.
Yeni kurs tamamilə ədəbi əsərlərin öyrənilməsinə
həsr olunmuşdur. Burada əsas hədəf fənyönümlüllük deyildir. Fənnə dair bilik və
bacarıqların verilməsi ilə yanaşı işin digər cəhətlərinə də diqqət yetirilməlidir.
Gördüyünüz kimi, bu keyfiyyətlər bir qədər əvvəllərdə nəzərdən keçirdiyiniz rəsmi
sənədlərdə də öz əksini tapmışdır(bax: "Təhsil haqqında" Azərbaycan
Respublikasının Qanunu" bölmə 4.0., maddə 4.0.1. 4.0.2. 4.0.3. bölmə 19 maddə 19.1.
19.2.
19.13.
19.17.;
"Ümumi
təhsil pilləsinin dövlət standartı və
proqramları(kurikulumları)" sənədi "Ümumi təhsilin məzmunu
" bölməsi, "ümumi təhsil pilləsində təhsilalanların bilik, bacarıq və vərdişlərinin
səviyyəsi" (Sənədin 7-ci bölməsi))
Ədəbi əsərlərin şagirdlərin əqidəli və
şüurlu bir vətəndaş kimi böyüməsində də geniş imkanlar yaradır.
Biz burada həm ümumi təlim nəticələrini, həm
də ədəbiyyat fənni üzrə məzmun standartını, həm də siniflər üzrə təlim nəticələrini xatırlatmaq istərdik. Çünki həmin
anlayışlar ədəbiyyat tədrisinin V-IX və X-XI siniflərdə nəyə nail olacağını
aydın şəkildə göstərir.
Nəzərdə tutulan təlim nəticələrinin əldə
olunması üçün siniflər üzrə məzmun standartları ilboyu işləməlidir. V sinfin
sonundakı nəticələr o zaman əldə olunacaq ki(eləcə də digər siniflərdə), hər 3
məzmun xətti üzrə nəzərdə tutulan alt-standartlar ilboyu işləsinlər.
V-XI siniflərdə ədəbiyyat fənninin özəyini
ədəbi əsərlər təşkil etdiyindən tədris üçün ayrılan vaxtın çoxu həmin əsərlərin
öyrənilməsinə həsr olunur. Bundan əlavə
proqramda sinifdənxaric oxu materiallarına, summativlərə, layihələrlə
bağlı işlərə də müəyyən vaxt məsrəfi nəzərdə tutulmuşdur.
Ədəbi əsərlər müəllif narahatçılığının məhsuludur.
Ətraf aləmin müxtəlif əxlaqi-mənəvi, ictimai-siyasi, ekoloji və b. problemləri onun bədii araşdırmalarının obyektinə
çevrilir. Cəmiyyəti düşündürən
aktual problemləri sənətkarlar müxtəlif ədəbi
növlərdə əks etdirirlər. Kimin gücü,
qabiliyyəti, istedadı hansı ədəbi növə çatırsa, onlar bu ədəbi növdə öz əsərlərini
yaradırlar. Əgər ətrafa, təbiətə, insanın mənəvi aləminə münasibət duyğu, tərənnüm
yolundan keçərsə, onda sənətkar lirik növün janrlarından, söhbətvarilik, təhkiyə
əsas götürüləcəksə, epik növün janrlarından, mürəkkəb həyat hadisələrini göstərmək,
tamaşaçının gözü önündə canlandırmaqdan keçəcəksə, dramatik növün janrlarından
istifadə edir.
Hər üç ədəbi növün məziyyətləri və sənətkarlıq cəhətləri ilə
bağlı Siz müəyyən təsəvvürlərə
maliksiniz. Sənətkarların bu əsərləri
yazarkən nə kimi hisslər keçirdiyini təsəvvür etmək olduqca çətindir.
Adi bir məsələyə diqqətinizi cəlb etmək
istərdik. Yazıçılardan biri müsahibələrində gün ərzində neçə saat işləyirsiniz
sualına belə cavab vermişdi ki, on saat. Başqa bir suala - Siz bu
müddətdə neçə səhifə irəliləyirsiniz? - cavabı bu olmuşdu ki, əgər povest, yaxud roman üzərində işləyirəmsə,
gün ərzində bir səhifə, əgər hekayə üzərində işləyirəmsə, onda bir sətir irəliləməyə
çalışıram. Müsahibənin məzmununa diqqətlə fikir verin. Deməli, əlimizdə tutduğumuz hər hansı bir hekayənin
meydana çıxmasında sənətkar təxminən 10 saat ərzində görün nə dərəcədə gərgin əmək sərf etməli olur. Bunu təsadüf saymaq olarmı?
Başqa
bir filosof dostuna yazdığı məktubunda son sətirlərini bu cür
qurtarırdı. - Bağışla ki, vaxtım az olduğundan Sizə məktubu uzun yazmalı
oldum. Mənaya fikir verin. Necə yəni vaxtım az olduğundan? Yəni müəllif onu demək istəyirdi ki, əgər
vaxtı olsa idi, onda məktub üzərində bir qədər çox işləyər, onun məzmununu təkmilləşdirər,
yığcamlaşdırar və dostunun da vaxtını çox almazdı.
Ədəbi əsərlərin üzərində aparılan işlər də
belə əzablı və nəticə etibarı ilə şərəfli bir yoldan keçir. Sənətkar söz əzabını
çəkməklə kamil nümunələr yaratmağa səy göstərir. Bəzən bizə adi təsir
bağışlayan hər hansı bir daş parçası, şair gözündə gözəl bir poetik obraza,
vasitəyə çevrilir. Beləliklə də, bizim gözümüzdə o, tamamilə yeni bir lövhənin canlanmasına, yeni duyğuların
yaranmasına şərait yaradır.
Kitabların insanların səmimi dostlarına
çevrilməsinin əsas səbəbi də buradan irəli gəlir. Onu inşa edənlər çalışırlar
ki, ən zərif, ən kəsərli, ən poetik sözlərdən istifadə etməklə öz oxucularının
qəlbinə yol tapsınlar. Onları həyatsevərliyə, qurub-yaratmaq eşqinə, vətən və
yurd sevgisinə, böyük məhəbbətə, dostluğa, igidliyə, vətənpərvərliyə, ən gözəl
insani keyfiyyətlərə, nəciblik və xeyirxahlığa, insanlar üçün ən yararlı işlər
görməyə və s. səsləsinlər. Məhz bədii əsərlərin belə bir üstünlüyə malik
olması hesabınadır ki, o, insanların təmənnasız
dostlarına çevrilmiş, həmişə onlara doğru yol göstərmişdir. Təbiidir
ki, həyatda heç kəs dostsuz yaşaya bilməz.
Məsələyə
bu yönümdən yanaşsaq, orta məktəbdə ədəbi əsərlərin öyrədilməsinin nə qədər əhəmiyyətli
olduğunu aydınca görə bilərik.
1. Ədəbi əsərlərin məzmununun öyrədilməsi
(İnduktiv dərslər)
Ədəbi əsərlərin məzmununun öyrədilməsi əhəmiyyəti
barədə metodik ədəbiyyatda xeyli müsbət fikirlər söylənilmişdir. Onu qeyd edək
ki, əsərin məzmunun düzgün dərk olunması bu gün ən aktual məsələlərdən biri kimi gündəmdə durur. Fənn müəllimlərinin
iştirakı ilə təşkil olunan dərslərdə onların mətnə münasibətini müşahidə edərkən
bizdə bu qənaət bir daha təsdiq olundu
ki, mətnin məzmununu – nədən söhbət getdiyini, dürüst müəyyənləşdirməkdə
onların özləri də bilməyərəkdən səhvlərə yol verirlər.
İxtisasartırma kursunda ədəbiyyat müəllimlərinə
belə bir sual ünvanlamışdıq: ədəbi əsərlərin məzmununu başa düşmək, anlamaq
asandırmı? Onlar həmin suala fərqli şəkildə cavab vermişdilər. Ən çox bu fikir
üzərində dayanılmışdı ki, mətnin dili qəliz söz və ifadələrdən ibarət olanda bu
cür mətnləri anlamaq, oradakı fikirləri olduğu kimi başa düşmək olduqca çətinləşir.
Belə bir fikrin doğru və ya səhv olduğunu
onlara aydın şəkildə çatdırmaq üçün mətn üzərində iş təşkil etməyi qərarlaşdırdıq.
Müəyyən vaxt məhdudiyyəti nəzərə
alınmaqla onlara bir şeir nümunəsi təqdim olundu və tapşırıq verildi ki, bu şeirin məzmunu ilə yaxından
tanış olsunlar.
Sonra isə onlara əlavə tapşırıq verildi ki,
şeirdən aldıqları təəssüratı bir vərəqdə qeyd etsinlər, orada nədən söhbət
getdiyini aydınlaşdırsınlar. 60 nəfər müəllimdən yalnız bir nəfəri dilində çətin
söz və ifadəsi olmayan bu parçanın məzmununa qismən yaxın gələ bilmişdi. Biz bu
təcrübəni auditoriyalarda da müxtəlif vaxtlarda sınaqdan çıxardıq və demək olar
ki, eyni mənzərənin şahidi olduq.
Deməli, bədii mətnlərin məzmununun doğru
anlaşılmasında dil maneəsini qabartmağına dəyməz. Əsas məsələ mətndəki hər bir
kəlməyə diqqət kəsilmək, onların arasında müəllifin ilıq nəfəsini duymaq gərəkdir. Əgər məzmun səhv
anlaşılarsa, onda hansı səmərəli təhlil işindən söhbət gedə bilər? Müəllifin nə
demək istədiyini təhrif etsək, onda biz nə əldə edə bilərik? Təbii ki, deyilmiş
sözün arxasında gizlənən müəllif obrazına, onun bütövlüyünə, əmanətə xəyanət etmiş olarıq. Nəticədə də müəllifin
demədiyi, nəzərdə tutmadığı məsələləri şagirdlərimizin düşüncəsinə yeritmiş
olarıq. Belə bir prosesdə isə həm ədəbiyyatımız, həm də mənəviyyatımız itirər.
Belə ciddi qüsurların baş verməməsi üçün müəllim,
hər şeydən əvvəl, proqramda tədrisi nəzər tutulan ədəbi əsərlərin məzmunu üzərində ciddi düşünməlidir. Hansı sinifdə mövzunu keçəcəksə,
o sinfin təlim nəticələrinə, məzmun standartlarına baxmalıdır.
Mətnə
diqqət yetirə-yetirə o daim belə bir sualla özünə müraciət etməlidir: Mən mətndəki fikri təhrif etmirəm ki? Görəsən,
buradakı bu sözü, müəllif nə üçün mətnə daxil etmişdir? Nə əcəb, bu sözün əvəzinə sinonimlərindən istifadə etməmişdir? Bu sözü
seçməklə o, oxucusuna hansı hissləri(fikirləri) təlqin etməyi qarşısına məqsəd
qoymuşdur? O nə üçün əsərinə belə bir başlıq vermişdir, həmin başlıq mətndə nə
səviyyədə əhatə olunmuşdur?
Əlbəttə, mətn müəllim tərəfindən bir dəfə oxunmaqla tamamən dərk oluna bilməz. Bir faktı
xatırlatmaq istəyirik. Əgər müəllim istənilən
bir mətni əlinə götürüb onu elə-belə nəzərdən keçirəndə bu cür fikirləşsə ki, mətn
ona aydındır, onun məzmununu bilir, deməli o, özünü aldatmış olur. Belə müəllimlərə
ulu Nizaminin bir beytini xatırlatmaq istərdik:
O şey ki bizlərə tam aşikardır,
Orda da gizli bir xəzinə vardır.
Müəllim əsərin məzmununu, onu nə üçün
yazıldığını, özü üçün dəqiq müəyyən etdikdən sonra, onun öyrədilməsi yolları üzərində
səmərəli iş qura bilər.
Ən əsas məsələlərdən biri də belə məzmun dərslərin canlı, maraqlı və emosional şəkildə qurulmasıdır. Müəllim bu məsələni
bir anda olsa belə unuda bilməz. Hər bir dərsin hazırlıq mərhələsində bu sualı
müəllim həmişə özünə verməlidir. Necə
edim ki, dərsim maraqlı, canlı və düşündürücü olsun. Əgər müəllim bu suallara səmimi cavab tapa
bilsə, deməli, qazanan təkcə şagirdlərimiz deyil, bütövlükdə mənəviyyatımız və
Vətənimizdir.
Ədəbi əsərlərin məzmunun öyrədilməsi dərslərinin
günün tələbləri səviyyəsində qurulması hər bir müəllimi düşündürən məsələyə
çevrilməlidir. Hazırda bir çox müəllimlər
bu işi formal olaraq yerinə yetirirlər.
Qeyd edək ki, bu cür dərsləri də kifayət qədər maraqlı və canlı qurmaq olar. Dərslərdə
şagirdlərə fikir söyləmək müstəqilliyi verilməli, onların düşünməyə yönləndirilməli,
biliyi fəal şəkildə qazanılmasına cəlb
olunmalı, şagirdlərin həyati təəssüratlarına, şəxsi təcrübələrinə istinad edilməlidir.
Əsərin məzmunun öyrənilməsinə həsr olunan fəal(interaktiv)
dərslərdə iş daha maraqlı və canlı qurulur. Bunun üçün təlim texnologiyalarına
dair bilikləri xatırlayın.
Ədəbi əsərlərin məzmunu üzrə iş aparılanda
"Ədəbiyyat və həyat həqiqətləri" məzmun xəttindən 1.1. əsas
standartının tərkibindəki alt-standartlardan, həmçinin də şifahi və yazılı nitq
məzmun xəttindəki alt-standartlardan uyğun gələnləri seçilib dərsin təlim nəticələrinə
gətirilməlidir. Standartların seçilməsində süni məhdudiyyət qoymaq olmaz. Belə
ki, əgər əsərdə çətin sözlər, təsvir və ifadə vasitələri varsa, ifadəli
oxunacaqsa, planlaşdırma, nağıletmə, janr xüsusiyyətlərini açıb göstərmə varsa,
onda V sinifdə 1.1. əsas standartının tərkibində
olan 1.1.1., 1.1.2.,1.1.3., 1.1.4., 1.1.5 alt-standartları (5), şifahi və
yazılı nitqdən də azı 2 alt-standart dərsdə işləməlidir. Hələ fənlərarası
inteqrasiya zamanı əlavə olunacaq alt-standartları nəzərə almırıq. Unutmayaq ki, standartların seçimini
materialın xarakteri və fəndaxili və fənlərarası inteqrasiya imkanları müəyyən edir.
Ədəbi əsərlərin məzmunu üzərində iş
aparılanda "Ədəbiyyat və həyat həqiqətləri"ndə əksini tapan 1.1. əsas
standartının nəzərdə tutduğu bilik və bacarıqlar şagirdlərə aşılanmalıdır.
Siniflər üzrə bu bilik və bacarıqların
inkişaf dinamikasını aşağıdakı kimidir:
V sinifdə:
Şagird:
1.1. Bədii nümunələrin məzmununu mənimsədiyini nümayiş
etdirir.
1.1.1. Heca vəznli şeirlərdə və sadə süjetli bədii nümunələrdə
(əfsanə, nağıl, təmsil, hekayə) tanış olmayan sözlərin mənasını lüğətlərdən
istifadə etməklə aydınlaşdırır.
1.1.2. Heca vəznli şeirləri, sadə süjetli bədii nümunələri (əfsanə,
nağıl, təmsil, hekayə) hadisələrin məzmununa uyğun ifadəli oxuyur.
1.1.3. Sadə süjetli bədii nümunələri (əfsanə, nağıl, təmsil,
hekayə) hissələrə ayırır, plan tərtib edir, məzmununu müxtəlif formalarda
(yığcam və geniş) nağıl edir.
1.1.4. Şifahi və yazılı ədəbiyyat nümunələrini (əfsanə,
nağıl, təmsil, hekayə) janrlarına görə fərqləndirir.
1.1.5. Heca vəznli şeirlərdə, sadə süjetli bədii nümunələrdə
bədii təsvir vasitələrini (epitet, təşbeh) müəyyənləşdirir.
VI sinifdə:
Şagird:
1.1. Bədii nümunələrin məzmununu mənimsədiyini nümayiş
etdirir.
1.1.1. Heca vəznli şeirlərdə və süjetli bədii nümunələrdə (əfsanə,
nağıl, dastan, təmsil, hekayə) tanış olmayan sözlərin mənasını lüğətlərdən,
sorğu kitablarından istifadə etməklə izah edir.
1.1.2. Heca vəznli şeirləri, süjetli bədii nümunələri (əfsanə,
nağıl, dastan, təmsil, hekayə) ideya-məzmununa uyğun ifadəli oxuyur.
1.1.3. Süjetli bədii nümunələri (əfsanə, nağıl, dastan, təmsil,
hekayə) hissələrə ayırır, plan tərtib edir, məzmununu müxtəlif formalarda nağıl
edir.
1.1.4. Bədii əsərlərin (əfsanə, nağıl, dastan, təmsil, hekayə)
janr xüsusiyyətlərini müəyyənləşdirir.
1.1.5. Heca vəznli şeirlərdə, süjetli bədii nümunələrdə bədii
təsvir və ifadə vasitələrini (epitet, təşbeh, mübaliğə, bədii sual) müəyyənləşdirir.
VII sinifdə:
Şagird:
1.1. Bədii nümunələrin məzmununu mənimsədiyini nümayiş
etdirir.
1.1.1. Heca vəznli şeirlərdə və süjetli bədii nümunələrdə
(dastan, hekayə, mənzum hekayə) tanış olmayan sözlərin mənasını lüğətlərdən,
sorğu kitablarından istifadə etməklə aydınlaşdırır.
1.1.2. Heca vəznli şeirləri, süjetli bədii nümunələri
(dastan, hekayə, mənzum hekayə) ideya-məzmununa uyğun ifadəli oxuyur.
1.1.3. Süjetli bədii nümunələri (dastan, hekayə, mənzum
hekayə) hissələrə ayırır, plan tərtib edir, məzmununu müxtəlif formalarda nağıl
edir.
1.1.4. Bədii nümunələrin (dastan, hekayə, mənzum hekayə)
janr xüsusiyyətlərini müəyyənləşdirir.
1.1.5. Heca vəznli şeirlərdə, süjetli bədii nümunələrdə bədii
təsvir və ifadə vasitələrini (epitet, təşbeh, mübaliğə, bədii sual, təkrir,
litota ) müəyyənləşdirir.
VIII sinifdə:
Şagird:
1.1. Bədii nümunələrin məzmununu mənimsədiyini nümayiş
etdirir.
1.1.1. Müxtəlif vəznli (heca, əruz) şeirlərdə və süjetli əsərlərdə
(dastan, hekayə, novella, dram poema) tanış olmayan sözlərin mənasını lüğətlərdən,
sorğu kitablarından istifadə etməklə aydınlaşdırır.
1.1.2. Müxtəlif vəznli (heca, əruz) şeirləri, süjetli bədii
nümunələri (dastan, hekayə, novella, dram, poema) ideya-məzmununa uyğun ifadəli
oxuyur.
1.1.3. Süjetli bədii nümunələri (dastan, hekayə, novella,
dram, poema) hissələrə ayırır, plan tərtib edir, məzmununu müxtəlif formalarda nağıl edir.
1.1.4. Bədii nümunələrin (dastan, hekayə, novella, dram
poema) janr xüsusiyyətlərini müəyyənləşdirir.
1.1.5. Müxtəlif vəznli (heca, əruz) şeirlərdə, süjetli ədəbi
nümunələrdə bədii təsvir və ifadə vasitələrini (metafora, bədii təzad, kinayə)
müəyyənləşdirir.
IX sinifdə:
Şagird:
1.1. Bədii nümunələrin məzmununu mənimsədiyini nümayiş
etdirir.
1.1.1. Müxtəlif vəznli
(heca, əruz, sərbəst) şeirlərdə və süjetli əsərlərdə (poema, hekayə,
povest, roman, dram) tanış olmayan sözlərin mənasını lüğətlərdən, sorğu
kitablarından istifadə etməklə aydınlaşdırır.
1.1.2. Müxtəlif vəznli (heca, əruz, sərbəst) şeirləri,
süjetli bədii nümunələri (hekayə, povest, roman, dram, poema) ideya-məzmununa
uyğun ifadəli oxuyur.
1.1.3. Süjetli bədii nümunələri (hekayə, povest, roman,
dram, poema) hissələrə ayırır, plan tərtib edir, məzmununu müxtəlif formalarda
nağıl edir.
1.1.4. Bədii nümunələrin (hekayə, povest, roman, dram,
poema) janr xüsusiyyətlərini müəyyənləşdirir.
1.1.5. Müxtəlif vəznli (heca, əruz, sərbəst) şeirlərdə,
süjetli ədəbi nümunələrdə bədii təsvir və ifadə vasitələrini (metonimiya,
inversiya, simvol) müəyyənləşdirir.
X sinifdə:
Şagird:
1.1. Bədii nümunələrin məzmununu mənimsədiyini nümayiş
etdirir.
1.1.1. Müxtəlif vəznli (heca, əruz, sərbəst) şeirlərdə və
süjetli əsərlərdə (dastan, poema, hekayə, povest, roman, dram, komediya, faciə)
tanış olmayan sözlərin mənasını mənşəyinə və işlənmə məqamına görə izah edir.
1.1.2. İfadəli oxudan müxtəlif ədəbi növdə olan əsərlərin
emosional-obrazlı qavranılması, təhlili məqsədi ilə istifadə edir.
1.1.3. Mürəkkəb süjetli və kompozisiyalı bədii nümunələri
hissələrə ayırır, plan tərtib edir, məzmununu müxtəlif formalarda (geniş,
yığcam, yaradıcı) nağıl edir.
1.1.4. Müxtəlif ədəbi növ və janrda olan bədii nümunələrdə əksini
tapan mühüm mənəvi, əxlaqi-etik dəyərləri müəyyənləşdirir.
1.1.5. Müxtəlif vəznli (heca, əruz) şeirlərdə, mürəkkəb
süjet və kompozisiyalı bədii nümunələrdə bədii təsvir və ifadə vasitələrini
(epitet, bənzətmə, metafora, metonimiya, simvol, mübaliğə, litota, bədii sual,
təkrir, bədii təzad, inversiya) müəyyənləşdirir.
XI sinifdə:
Şagird:
1.1. Bədii nümunələrin məzmununu mənimsədiyini nümayiş
etdirir.
1.1.1. Müxtəlif vəznli (heca, əruz, sərbəst) şeirlərdə və
süjetli əsərlərdə (hekayə, povest, roman, dram, komediya, faciə, poema) tanış
olmayan sözlərin, ifadələrin mənasını mənşəyinə və işlənmə məqamına görə izah
edir.
1.1.2. İfadəli oxudan müxtəlif ədəbi növdə olan əsərlərin
emosional-obrazlı qavranılması, təhlili və qiymətləndirilməsi məqsədi ilə
istifadə edir.
1.1.3. Mürəkkəb süjetli və kompozisiyalı bədii nümunələrdə əhvalat
və hadisələr arasındakı səbəb-nəticə əlaqələrini müəyyənləşdirir, mətni hissələrə
ayırır, plan tərtib edir, məzmununu müxtəlif formalarda (geniş, yığcam,
yaradıcı) nağıl edir.
1.1.4. Müxtəlif ədəbi növ və janrda olan əsərlərdə (poema,
hekayə, povest, roman, dram, komediya, faciə) əksini tapan mühüm milli-mənəvi, bəşəri dəyərlərə
əsaslandırılmış münasibət bildirir.
1.1.5. Müxtəlif vəznli (heca, əruz) şeirlərdə, mürəkkəb
süjetli və kompozisiyalı ədəbi nümunələrdə bədii təsvir və ifadə vasitələrini
(epitet, bənzətmə, metafora, metonimiya, sineqdoxa, simvol, mübaliğə, litota, bədii
sual, təkrir, bədii təzad, kinayə (sarkazm), inversiya) müəyyənləşdirir.
Bədii əsərlərin məzmunu üzrə aparılan işlərin
siniflə üzrə dəyişdiyinə diqqət yetirin. Bu məzmun fərqi həm də siniflərdə
tapşırıqlara, qrup işlərinə təqdim olunan standartların fərqli olduğunu Sizlərə
bir daha xatırladır.
Bu deyilənləri nəzərə alaraq sizə hər iki
texnologiyalardan dərs mərhələlərinin fərqli olduğunu bir daha xatırladırıq və
məzmun dərslərinin bu sistemlərə uyğun formada təxmini qurulması yollarını göstərmək
istəyirik.
Комментарии
Отправить комментарий