Ədəbiyyat dərslərində nitq inkişafı
Ədəbİyyat dərslərİndə nİtq İnkİşafı
Ərazimizin 20 faizə qədərinin erməni
faşistləri tərəfindən işğal edildiyi, haqlı ikən haqsız hesab olunduğumuz
indiki şəraitdə öz düşüncələrini həm yazılı, həm də şifahi formada ifadə edən gənclərə
ehtiyacımız daha çoxdur. Ötən əsrin əvvəllərindən
üzləşdiyimiz, hələlik öhdəsindən gələ bilmədiyimiz bədnam ermənilər silahın
deyil, məhz siyasətin hesabına irəli çıxdıqlarına görə doğma torpaqlarımızı müvəqqəti
işğal edə bildi və əhalimizin 1 milyonunu qaçqın, köçkün və didərgin vəziyyətinə
saldı. Məhz bu xəstə təfəkkürlü millətin məkrli niyyəti və təbliğatı hesabına
dünyanın bir sıra ölkələrində yalançı soyqırımı qərarları qəbul edilmiş oldu. Həmin
dövr rəhbərlərinin səriştəsizliyi, yerli məmurların bacarıqsızlığı, eləcə də məktəb
işlərində yol verilən əyintilər və s. xalqımızın düşmən qarşısında müəyyən qədər aciz qoymuş
oldu və nəticədə belə bir işğal aktı baş tutdu. Deməli, vaxtında sözümüzü yeridə və siyasətdə haqlı
olduğumuzu sübuta yetirə bilməməyimiz düşmənə müvəqqəti olaraq irəli çıxmaq
fürsətini verdi.
Şagirdlərin şifahi və yazılı nitqinin
inkişaf etdirilməsi işinin məzmunu müvafiq məzmun xətlərində öz əksini
tapmışdır. Yeni kursda fəndaxili əlaqə vacib olduğundan hər bir dərsdə bu məzmun
xətlərindəki alt-standartlar ilboyu tədris prosesinə cəlb olunur. Məsələnin məzmununun
nədən ibarət olduğunu aydın təsəvvür etmək və nitq inkişafı işlərinin
dinamikası göstərmək üçün fənn
kurikulumundan onları müşahidə etmək gərəkdir.
Şagirdlərin şifahi və yazılı nitqini
inkişaf etdirmək üçün müəllim bir sıra məsələləri bilməlidir. Bunlara:
·
Şifahi və yazılı nitqin başlıca cəhətləri, ədəbiyyat
dərslərində nitq inkişafının əsas xüsusiyyətlərini,
·
Ədəbiyyat dərslərində nitqi inkişaf etdirməyin prinsipləri (şagirdin yaşadığı dil
mühitinin, onların şəxsi qabiliyyətlərinin, dərsdəki psixoloji şəraitin,
mövzunun xüsusiyyətlərinin nəzərə alınması),
·
Şifahi nitqi inkişaf etdirmək
üçün məzmun xəttinin əhatə etdiyi məsələləri,
·
Yazılı nitqi inkişaf etdirmək üçün məzmun xəttindəki
alt-standartların əhatə etdiyi məsələləri.
Şagirdlərin şifahi nitqini - ədəbi-bədii
nitqini inkişaf etdirmək işində müəllim bir sıra qaydaları əldə rəhbər
tutmalıdır:
·
Şagirdin yaşadığı dil mühitinin nəzərə alınmalı, onun
çıxışına daim dəstək verilməsi.
·
Onların şəxsi qabiliyyətlərinin nəzərə alınması – dərs
prosesində hər zaman psixoloji dəstəyin verilməsi,
·
Psixoloji şəraitin yaradılması – hər bir şagirdin
öz fikrini bildirmək imkanının tanınması, onlara tam sərbəstlik verilməsi, fərqli
fikirlərə hörmətlə yanaşılması, psixoloji diskomfortun aradan qaldırılması.
·
Şagirdlərin
şifahi nitqinin inkişafını təmin etmək üçün fəal dinləmək vərdişinə
sahib olmaq. Şagird hiss etməlidir ki, onun hər bir çıxışı müəllim tərəfindən dəstəklənəcək.
·
Mövzunun
xüsusiyyətlərin və məzmun xətlərinin tələblərinin nəzərə alınması – müəllim bilməlidir
ki, mövzunun tədrisi zamanı bu anda
hansı alt-standartın işlədilməsi daha məqsədəuyğundur.
Комментарии
Отправить комментарий