Dərs icmalının tərtibinə dair tövsiyələr
Dərs icmalının tərtibinə dair tövsiyələr
Dərsdə reallaşdırılacaq alt-standartlar
seçiləndə mövzunun xarakterinə diqqət yetirilməlidir. Əsərin məzmunu ilə
bağlı keçilən dərslərdə 1.1 əsas standartının, təhlili ilə bağlı iş aparılanda isə 1.2 əsas
standartının tərkibindən alt-standartlar götürülməlidir. Əgər əsərin öyrənilməsinə
cəmi bir saat həsr olunubsa, onda hər iki əsas standartın tərkibindən
mövzunun xarakterinə uyğun gələn alt-standartlar seçilməlidir.
Dərslər üçün alt-standartlar seçiləndə hər
üç məzmun xəttinin imkanlarına nəzər salınmalıdır. Onların hər üçündən
alt-standart seçib dərsə gətirilməlidir.
Fəndaxili və fənlərarası inteqrasiyanın
imkanlarından səmərəli istifadə olunmalıdır. Fəndaxili inteqrasiya dedikdə məzmun xətləri arasındakı bağlılığı, fənlərarası
dedikdə isə mövzunun xarakterindən irəli gəlməklə digər fənlərlə əlaqələrin
qurulmasını nəzərə tutmaq lazımdır.
Tədqiqatın aparılması mərhələsində
qruplara tapşırıq veriləndə tədqiqat
sualının və təlim nəticələrinin tələblərinə riayət olunmalıdır. Təlim nəticələrində əksini tapan məsələlər
qrup tapşırıqlarına çevrilməlidir. Bunun üçün ən azından onların
sonluğundakı indiki zamanı( –ır4) əmr formasına (-ın4) çevirmək lazımdır.
Qiymətləndirmə meyarları
alt-standartların fəaliyyət hissəsinə əsasən
müəyyənləşdirilməlidir. Fellər indiki zaman formasından çıxarılmalı və -ma,- mə formalarına salınmalıdır. Məsələn,
1.2.1. Şifahi və yazılı ədəbiyyat nümunələrini müqayisə edir.
1.2.2. Obrazların xarakterindəki başlıca xüsusiyyətləri aydınlaşdırır, əsaslandırılmış münasibət bildirir.
a) Müqayisə etmə
b) Aydınlaşdırma
c) Münasibət bildirmə
Комментарии
Отправить комментарий