Əsərin təhlilinə dair icmal nümunəsi
Təhlil dərslərinin quruluşu(Əsərin təhlili üzrə iş)
Mövzu: A. Səhhətin "Vətən"
şeirinin təhlili
Standartlar: 1.2.3, 1.2.4;
2.1.2, 2.2.1; 3.1.1.
3.1.3.
Inteqrasiya: Tarix, 0.0.0. Musiqi: 0.0.0
Texnikalar: Venn diaqramı,
klaster, müzakirə, beyin həmləsi
Iş
forması: Böyük və kiçik qruplarda iş
Resurslar (təchizat):
"Qarabağ bülbülləri" televiziya
filmindən parça, markör, filipçart, dərslik, şairin portreti.
Dərsin
təlim nəticələri: (1.2.3, 1.2.4, 2.1.2., 2.2.1, 3.1.1 və 3.1.3 -
alt-standartının tələbləri xüsusiləşdirilir. 6 alt-standart olduğundan, bir o qədər
də təlim nəticəsi göstərilir. Məsələn, alt-standart 1.2.3.
Şifahi və yazılı ədəbiyyat nümunələrində bədii təsvir vasitələrinin (epitet, təşbeh)
rolunu aydınlaşdırır. Onu çevirək təlim nəticəsinə: 1. Şeirdə bədii təsvir vasitələrinin (epitet, təşbeh) rolunu
aydınlaşdırır. Digər alt-standartlar da bu qayda ilə təlim nəticələrinə
çevrilir).
1.
Sinfi təşkili və ev
tapşırıqlarının yoxlanması .......5 d.
2.
Motivasiya...............................................................
3 d.
3.
Tədqiqatın
aparılması...........................................10 d.
4.
Məlumat mübadiləsi..............................................10
d.
5.
Məlumatın müzakirəsi
və təşkili........................... 5 d.
6.
Nəticənin
çıxarılması.............................................. 3 d.
7.
Yaradıcı tətbiqetmə................................................
6 d.
8.
Qiymətləndirmə və ev
tapşırığının verilməsi....... 3 d.
Cəmi: 45 dəq.
Dərsin gedişi:
1. Sinfin
təşkili və ev tapşırıqlarının yoxlanması.
2. Motivasiya: Vətən motivli klip
səsləndirilir. Şagirdlərin təəssüratları alınır, klipin nəyə həsr olunduğu
soruşulur, dərsin mövzusu müəyyən edilərək lövhəyə yazılır.
Tədqiqat sualları:
a) Şair nə üçün bu şeirinə "Vətən" başlığını
seçmişdir?
b) Şair şeirdə vətənlə bağlı duyğularını
bizə çatdırmaq üçün hansı söz və ifadələrin
imkanlarından istifadə etmişdir?
3. Tədqiqatın
aparılması: Müəllim tapşırıqlar üçün ayrılmış vaxtı və təlimatı
elan edir və qruplara aşağıdakı tapşırıqları təqdim edir;
1-ci qrup: Şair vətənlə bağlı
duyğularını ifadə etmək üçün hansı bədii təsvir vasitələrindən istifadə etmişdir? Onların rolu
rolunu nədən ibarət olmuşdur?
2-ci qrup: Şeirin hansı mövzuya həsr olunduğunu və ideyasını nədən ibarət olduğunu
aydınlaşdırın.
3-cü qrup: Şeirin aşıladığı
ideyaya münasibət bildirin, fikrinizi əsaslandırın.
4-cü qrup: Siz şeirin bu cür başlanmasına və davam etməsinə necə
münasibət bildirərdiniz? Fikrinizi əsaslandırmağa çalışın.
5-ci qrup: Şeirin məzmununa, quruluşuna münasibət bildirin.
4. Məlumat
mübadiləsi: Qruplar ayrılmış vaxt ərzində tədqiqatlarının nəticələri
ilə yoldaşlarını tanış edirlər.
5. Məlumatın müzakirəsi və təşkili: Təqdimatlarda əksini
tapan məlumatları ümumiləşdirmək, sistemə salmaq üçün müzakirə aparılır.
Müzakirə üçün
suallar:
- Şair bu şeirini nə üçün "Vətən"
adlandırmışdı?
- Şair vətən
sevgisini bizə aşılamaq üçün hansı söz və ifadələrdən istifadə etmişdir?
- Bu sözlər həmin
sevgini dolğunluğu ilə bizə çatdıra bilirmi?
- Şairin bu cür
qurulması fikrin ifadə olunmasına necə xidmət göstərmişdir?
- Nəyə əsasən şeirin
məhz vətən sevgisinə həsr olunduğu qənaətinə gəldiniz?
-Yoldaşlarınızın
axtarışlarına necə münasibət bildirərdiniz?
- Müzakirəmizi necə
ümumiləşdirə bilərik?..
6. Nəticənin
çıxarılması: Bu mərhələdə ümumiləşmiş fikirlərlə tədqiqat
sualı zamanı alınmış fərziyyələr tutuşdurulur, nələrin üst-üstə düşdüyü, nələri
yeni olduğu müəyyən edilir. Nəticədə yeni bilik əldə olunur.
7. Yaradıcı
tətbiqetmə:
a) Sinifdə: şeirin məzmunundan və
ideyasından çıxış etməklə vətən klasterinin yaradılması;
b) Evdə:" Vətən sevgisi nədir?
mövzusunda kiçik esse yazmaq.
Qiymətləndirmə və ev tapşırıqları:
Qiymətləndirmə
meyarları;
a) Rolunu aydınlaşdırma.
b) Münasibət bildirmə
c) Şərh etmə
=================================
Qeyd:
Təhlil
dərslərini tədqiqat sualından sonra müzakirə yolu ilə də aparmaq olar.
Tədqiqat sualının birincisi belə ola bilər:
A) Nə üçün əsərinə müəllif bu adı
seçmişdir?
B) Müəllif bizə bu əsəri vasitəsilə hansı
ideyanı aşılamaq istəyir? O bu niyyətində haqlıdırmı?...
Комментарии
Отправить комментарий