Fəal/interaktiv təlim əsaslı məzmun dərsi: icmal nümunəsi
Fəal(interaktiv) təlim əsasında əsərin məzmunu üzərində iş (nümunə)
V sinif[1]
Mövzu:
Cəlil Məmmədquluzadənin "Poçt
qutusu" hekayəsinin məzmunu üzərində iş(1-ci saat).
Standartlar: 1.1.2; 1.1.3; 2.1.2;
2.2.1; 3.1.1; 3.1.2.
İnteqrasiya: təsviri incəsənət,
0.0.0.
İş
forması: böyük və kiçik qruplarda iş
Texnikalar: klaster, beyin həmləsi,
fasiləli oxu, müsahibə, müzakirə
Resurslar: poçt qutusu şəkli, Mirzə Cəlilin şəkli, vikipediyadan "Poçt qutusu"na aid 1967-ci ildə
Mirzə Cəlilin eyni adlı əsərinə çəkilmiş kinofilmdən bir epizodu əks etdirən şəkil.
Dərsin təlim nəticələri:
1. Hekayəni ideya-məzmununa uyğun ifadəli oxuyur.
2. Hekayəni hissələrə ayırır, plan tərtib edir, məzmununu
müxtəlif formalarda nağıl edir.
3. Bədii əsərlə bağlı fikirlərini aydın və ardıcıl şərh
edir.
4. Müzakirələrdə ümumi rəyə gəlmək bacarığını nümayiş
etdirir.
5. Mövzu ilə əlaqədar fikirlərini məntiqi ardıcıllıqla şərh
edir.
(I variant)
Dərsin
mərhələlərinə görə təxmini vaxt bölgüsü:
1. Sinfin təşkili və ev
tapşırıqlarının
yoxlanması.................................................3
dəq
2. Motivasiya
.................................................3 dəq.
3. Fasiləli
oxu...............................................12 dəq.
4. Tədqiqatın
aparılması...............................5-7 dəq.
5. Məlumat mübadiləsi..............................
5- 8 dəq
6. Məlumatın müzakirəsi
və təşkili...............3 dəq.
7. Nəticənin
çıxarılması.................................2 dəq.
8. Yaradıcı tətbiqetmə...................................
5 dəq.
9. Qiymətləndirmə və ev
tapşırığının
verilməsi.................................................2
dəq.
Cəmi: 45 dəq.
1.
Sinfin təşkili və ev tapşırıqlarının yoxlanması.
2.
Motivasiya. Mövzunun tapdırılması üçün üç variant təklif
edirik. Onların birindən istifadə oluna bilər.
A) "Dünyada o insanı bədbəxt saymaq
olar ki, ömrünü avamlıqla başa vurur".
B) "Avamlıqdan, biliksizlikdən
insanın başına çox bəlalar gələ bilər".
C)
Bilməmək eyib deyil, soruşmamaq eyibdir.
"Poçt
qutusu" (1967) filmindən kadrlar(internetdən)
Cümlələrdən biri sinifdə səsləndirilir və
şagirdlərdən soruşulur. Bu cümlədə ifadə olunan fikrə necə münasibət bəsləyirsiniz?
Fikrinizi əsaslandırmağa çalışın. Sizcə, insan necə ömür sürməlidir ki, o, bədbəxt
olmasın?(biz burada birinci cümlədən istifadə edərək dərsə başladıq). ...
Şagirdlərin cavabları dinlənildikdən sonra
müəllim yenidən belə bir sual verir:
Deməli, bu cümlədə nədən danışılırdı? Şagirdlər avamlıqdan sözünü
qeyd edirlər. Müəllim: onda bizim bugünkü mövzumuz nə barədə ola bilər? Şagirdlər: yəqin ki avamlıq barədə. Müəllim
bildirir ki, uşaqlar, siz, doğru buyurdunuz. Bu gün biz avamlıq barəsində
danışacağıq.
Müəllim bu sözləri deyə-deyə mövzunun
adını dəqiq şəkildə lövhəyə qeyd edir: C. Məmmədquluzadənin "Poçt
qutusu" hekayəsinin məzmunu üzərində iş.
Sonra müəllim tədqiqat suallarını səsləndirərək
lövhəyə yazır.
Tədqiqat
sualı:
1."Poçt qutusu" hekayəsində
nədən söhbət açıla bilər?
2. Hekayəni hansı hissələrə bölmək olar? Onun məzmununu necə yığcam
söyləmək olar?
Birinci suala dair şagirdlərin ilkin
ehtimalları alınır və lövhəyə qeyd olunur. Sonra müəllim ikinci sual barəsində bildirir ki, onun
cavabını iş prosesində aydınlaşdırmaq lazım gələcəkdir. Sonra müəllim fasiləli
oxu üsuluna müraciət edir.
3.
Fasiləli oxu.
Müəllim bildirir ki, İndi gəlin dediklərinizin nə dərəcə doğru
olduğunu yoxlamağa çalışaq. Bunun üçün əsəri oxumağa başlayıram. Siz də
kitablarınızdan məni izləyin.
Müəllim əsərin birinci hissəsini oxuyub
fasilə edir. Şagirdlərin ilk təəssüratlarını alıb bu hissədə nədən söhbət
getdiyini soruşur. Sonra əsas sualı qoyur: Sizcə, əhvalat bundan sonra necə
davam edəcək? Nəyə əsasən belə düşünürsünüz?. Bir neçə şagirdin fikirləri
alınır və ikinci hissənin oxusuna başlanır. İkinci hissənin oxusu bitən
kimi yenə də şagirdlərin təəssüratı
alınır, oxunmuş hissədə nədən söhbət getdiyi aydınlaşdırılır və yenə də əsas
sual qoyulur: Sizcə, hadisələr necə davam edəcək? Nəyə əsasən bu cur
düşünürsünüz? Şagirdlərin yenə də ehtimalları alınır və eyni iş növbəti hissələrin
oxusunda da davam etdirilir(fasilələr üçün əsas ölçü bitkin hissələrdir). Sonuncu hissənin oxusuna başlanmazdan əvvəl
isə sual bu cür qoyulacaq: Sizcə, əsər necə tamamlanacaq? və Nəyə əsasən
belə düşünürsünüz?
Oxu
tamamlandıqdan sonra ümumi təəssüratı aşkar çıxaran qısa müsahibə
aparılır. Kinofilmdən götürülmüş şəkil sinifdə nümayiş olunur və
onun əsərin hansı yerinə aid olduğu soruşulur.
4.
Tədqiqatın aparılması. Məzmun üzrə ümumi sorğu bitdikdən sonra dərsin məqsədində
əksini tapan standartların reallaşması üçün qrup tapşırıqları verilir.
1-ci qrup: Əsərdən verilmiş parçanın ifadəli
oxusunu həyata keçirin.
2-ci qrup: Əsərin planını tərtib edin.
3-cü qrup: Əsərin məzmununu yığcam nağıletməyə
hazırlayın.
4-cü qrup: Əsərdən xoşunuza gələn yerləri seçin və
qarşında nə üçün bu yeri seçdiyinizi qeyd edin.
5-ci qrup: Siz, bu hekayəni necə tamamlayardınız?
5.
Məlumat mübadiləsi. Qrupların təqdimatları dinlənilir. Əgər sual
yaranarsa, təqdimatçı onu cavablandırır. Təqdimatlar bitdikdən sonra onlara
qiymət verilir.
6.
Məlumatın müzakirəsi və təşkili. Təqdimatlarda əksini tapmış məsələlərə
ümumiləşdirici nəzər salınır və oradakı fikirlərə qruplaşdırılır. Nələrin əldə
edilməsinə şagirdlərin diqqəti cəlb olunur və yekun qənaətə gəlinir. Bu zaman hədəf
götürülməlidir: a) əsərdə nə barədə söhbət getdi, b) əsər hansı hissələr bölündü və necə adlandırıldı, c) əsərin
ifadəli oxusu necə oldu, d) əsərin məzmununun yığcam nağıl edilməsi necə baş
tutdu, e) əsərin tamamlanması üçün təklif olan variant necə alındı. Alınan
fikirlər ümumiləşdirilir.
7.
Nəticənin çıxarılması. Ümumiləşmiş fikirlə tədqiqat sualına verilmiş ilkin
fərziyyələr tutuşdurulur və nələrin təsdiq, nələrin yeni olduğu
aydınlaşdırılır. Beləliklə, yeni bilik əldə edilir.
8.
Yaradıcı tətbiqetmə. Şagirdlərə tapşırıq verilir: Əsərin məzmununu əks etdirən klaster qurun.
9.
Qiymətləndirmə və ev tapşırığının verilməsi.
- Əsərin məzmunu öyrənin. Əsərin məzmununa uyğun atalar sözləri yazın.
Fikrinizi əsaslandırın.
II variant
Dərsin
mərhələlərinə görə təxmini vaxt bölgüsü:
1. Sinfin təşkili və ev
tapşırıqlarının yoxlanması...5 dəq
2. Motivasiya
.........................................................3 dəq.
3. Tədqiqatın
aparılması.........................................9 dəq.
4. Məlumat mübadiləsi........................................
10 dəq.
5. Məlumatın müzakirəsi
və təşkili........................7 dəq.
6. Nəticələrin
çıxarılması.......................................5 dəq.
7. Yaradıcı tətbiqetmə...........................................3
dəq.
8. Ev tapşırığının
verilməsi....................................3 dəq.
Cəmi: 45 dəq.
Dərsin motivasiya mərhələsindəki işlər
eyni ilə saxlanılır. Növbəti mərhələdən iş bu cür davam etdirilir:
2.
Tədqiqatın aparılması.
Müəllim
şagirdləri qruplara 5 qrupa bölür. Hər qrupa tapşırıq verilir, icra vaxtı və iş
qaydası elan edilir.
Qrup
tapşırıqları:
1. Əsrin birinci hissəsinin
planın tərtib edin.
2. Hekayədən bir parçanı ifadəli oxuya
hazırlayın və ifadəli oxuyun.
3. Hekayəni ikinci hissəsinin planını tərtib
edin, məzmununu yığcam formada nağıl etməyə hazırlayın.
4. Novruzəli hərəkətlərini ardıcıllıqla
düzməyə çalışın və bunu əsaslandırın.
5. Hekayədəki başlıca fikri nədir? Fikrinizi əsaslandırın.
4.
Məlumat mübadiləsi.
Qruplar tapşırıqlarının məzmunu və nəticələri
ilə yoldaşlarını tanış etməyə başlayırlar. Digər qruplardan suallar olarsa, ona
cavab verirlər. Şagirdlərin təqdimatları qiymətləndirilir.
5.
Məlumatın mübadiləsi və təşkili(sistemə salınması).
Bu mərhələdə təqdimatlara nəzər salınır.
Onlarda əks olunan məlumatların ümumiləşdirilməsi və yekunlaşdırılması
baxımından müvafiq işlər görülür. Bunun üçün müəllim yardımçı suallardan
istifadə edir.
a)
Əsərdəki
əhvalat necə başladı və necə davam etdi?
b)
Hekayəni göstərilən hissələrə bölməyi düzgün qəbul etmək
olarmı?
c)
Yoldaşlarınızın
ifadə oxusu məzmunu düzgün çatdırdımı?
d)
Xan
və Novruzəli barəsində hansı məlumatlar əldə etdiniz?
e)
Hekayədə
başlıca fikri nə olduğunu yoldaşlarınız düzmü izah etdilər?
Suallara cavab alındıqdan sonra kinofilmdən
götürülmüş şəkil nümayiş olunur və onun əsərin hansı epizodu ilə bağlı ola biləcəyi
dəqiqləşdirilir.
Məlumatların ümumiləşdirilməsi, ümumi qənaətin
ortaya qoyulması ilə bu mərhələyə yekun vurulur.
6.
Nəticələrin çıxarılması. Şagirdlərə müraciət olunur. Tapşırılır ki, indi əldə
etdikləri yekun məlumatla ilkin fərziyyələrini tutuşdursunlar. Nələrin üst-üstə
düşdüyünü, nələrin isə yeni olduğunu göstərsinlər.
7. Yaradıcı tətbiqetmə.
Sinifdə: Əsərdən aldığınız təəssüratı istənilən
bir cümlə ilə ifadə edin.
Evdə: Novruzəli ilə bağlı klaster
hazırlamaq.
1.
Qiymətləndirmə və ya
refleksiya
Qiymətləndirmə meyarları.
1.İfadəli oxuma.
2.Plan tərtib etmə,
3. Nağıl etmə.
4. Ümumi rəyə gəlmə.
4. Başlıca fikri anlama.
Комментарии
Отправить комментарий