TTİMY texnologiyalı məzmun dərsi. icmal nümunəsi
a) TTİMY texnologiyası əsasında əsərin
məzmunu üzərində işin təşkili
(nümunə)
Bu cür dərslər üç mərhələdən ibarətdir və
onların hər birinin öz vəzifəsi olur. Siz bunlar barəsində müəyyən məlumatlara
maliksiniz. Belə dərslər 45 dəqiqəni əhatə etməlidir və burada müxtəlif iş
formalarından(fərdi, kiçik, böyük) istifadə olunmalıdır
Dərsi planlaşdırarkən standartlara,
texnikalar, iş formaları, resurslar, dərsin təlim nəticələri , dərsin təxmini
vaxt bölgüsü qeyd olunmalıdır. İş
prosesini izləmək baxımından bu nümunəyə də nəzər salın.
V sinifdə Ə. Cəmilin "Can nənə, bir nağıl de" şeirinin bu
texnologiya ilə tədrisində dərsi aşağıdakı kimi planlaşdırmaq olar:
Mövzu: Ə. Cəmilin "Can
nənə, bir nağıl de" şeirinin məzmunu və təhlili
Standart:
1.1.1.,
1.1.2., 1.1.3., 1.1.5., 1.2.2., 1.2.3., 2.2.1., 3.1.1.
İş
forması: fərdi,
kiçik və ya böyük qruplarla iş.
İş
üsulu: müzakirə, müsahibə, açıq suallar.
Resurslar: şəkillər,
dərslik.
Dərsin
təlim nəticələri: (məqsədlər aydın və qısa şəkildə sıralanaraq
yazılır)
1. Tanış olmayan sözlərin mənasını lüğətdən
istifadə etməklə aydınlaşdırır
2. Şeiri məzmununa uyğun ifadəli oxuyur
3. Şeirin məzmununu yığcam (geniş) nağıl edir.
4. Şeirdə bədii təsvir vasitələrini müəyyənləşdirir.
5.Şeirdəki obrazların başlıca xüsusiyyətlərini aydınlaşdırır, əsaslandırılmış
münasibət bildirilir.
6. Şeirdəki bədii təsvir vasitələrinin rolunu aydınlaşdırır.
7. Müzakirələrdə söylənilən fikirlərə münasibət bildirir.
8. Şeirin məzmununa, başlanğıcına, sonluğuna fərqli münasibət bildirir.
1. Sinfin təşkili və ev tapşırıqlarının
yoxlanması.... 3 dəq.
2. Düşünməyə yönəltmə........................................
9 dəq.
3. Dərketmə...........................................................15
dəq.
4. Düşünmə...........................................................15
dəq.
5. Qiymətləndirmə və ev
tapşırıqığı........................3 dəq.
Cəmi: 45 dəq.
1.
Sinfin təşkili və ev tapşırıqlarının yoxlanması.
2.
Düşünməyə yönəltmə
-"İnsan həyatında nağılın rolu"
mövzusunda essenin yazılması(4-5 dəq.). Yazıların dinlənilməsi(seçmə yolla, 6-7
nəfərin yazısı dinlənilir və alqışlanılır.
Yardımçı suallar:
1. Nağılları nə xoşa gələn edir?
2. İnsan həyatını nağıllarsız təsəvvür etmək
olarmı?
Tədqiqat sualı:
1. Şeirdə nədən söhbət gedə bilər?
2. Onu necə ifadəli oxumaq, qəhrəmanlarını
necə dəyərləndirmək, məzmunun necə nağıl etmək olar?
3.
Dərketmə
- Şeir müəllim tərəfindən ifadəli oxunur.
Arada fasilə edilir və sinfə müraciət olunur: - Sizcə, nənə nəvəsinə nağıl
danışacaqmı? Nəyə görə belə düşünürsünüz?
Şeirin müəllim tərəfindən ilk oxusu başa çatdıqdan sonra ilkin təəssüratı
aşkara çıxaran qısa müsahibə aparılır:
- Şeir Sizdə necə təəssürat oyatdı? Nəyə
görə bu qənaətə gəldiniz?
- Şeirin şagirdlər tərəfindən oxusu təşkil
olunur. 2-3 nəfərin tanışlıq oxusundan sonra mətn üzərində işə başlanılır.
Bunun üçün məzmunun dərkedilməsinə və təhlil işinə xidmət edən suallardan
istifadə olunur. Bu prosesdə standartların reallaşdırılması üçün onların məzmununa
dair sual və tapşırıqlar da işə qoşulur. Mətn üzrə iş tamamlandıqdan sonra onun
ifadəli oxusu həyata keçirilir. Bu zaman yarış da təşkil oluna bilər.
4.
Düşünmə.
Təhlil və tətbiq xarakterli suallardan
istifadə:
- Siz şeirə hansı adı seçərdiniz? Nəyə görə?
- Şair bu şeir vasitəsilə nəyi aşılamaq
istəyir?
- Obrazlara Siz necə münasibət bildirərdiniz?
-Şairin özünə Sizdə hansı münasibət
yarandı və nəyə görə?
Alınan cavablar ümumiləşdirilir və "Nəvənin
nağıl dünyası nə ola bilər?" mövzusunda ""Esse" yazdırılır.
5-6 nəfərin yazısı dinlənilir
Dərsdə fərqlənənlər qiymətləndirilir
(formativ qiymətləndirmə)
4.
Qiymətləndirmə və ev tapşırığı: Şagirdlərin fəaliyyəti aşağıdakı
meyarlar əsasında qiymətləndirilir:
-ifadəli oxuma
-nağıletmə
-rolunu müəyyənləşdirmə
- münasibət bildirmə
Evdə iş: Mətnin məzmununa uyğun gələn söz
və ifadələrin seçilməsi(nənə, nəvə barəsində müsbət anlamlı söz və ifadələr).
Комментарии
Отправить комментарий