Tarixi-ədəbi icmal mövzusunun tədrisi: icmal nümunəsi
X sinif tarixi-ədəbi icmal mövzusunun tədrisinə dair icmal nümunəsi
Mövzu: "Qədim dövr Azərbaycan ədəbiyyatı"(Ən qədim zamanlardan XIII əsrə qədər)(layihə).[1]
Standartlar: 1.1.1., 1.1.4.,
1.2.4., 2.2.1., 3.1.2.
Inteqrasiya: Tarix, 0.0.0.
Texnikalar: klaster, beyin həmləsi,
müzakirə
Iş
forması: böyük və kiçik qrupda iş
Resurslar (təchizat): filmdən
parça, musiqi...
Dərsin
təlim nəticələri:
1. Mətndə, əsərdə tanış
olmayan sözlərin mənasını mənşəyinə və işlənmə məqamına görə izah edir.
2. Bədii nümunələrdə əksini
tapan mühüm mənəvi, əxlaqi-etik dəyərləri müəyyənləşdirir.
3. Bədii nümunələrin
mövzusunu, ideya-bədii xüsusiyyətlərini bağlı olduğu dövrün sosial-siyasi, mənəvi
dəyərləri baxımından təhlil edir və nəticə
çıxarır.
4. Müzakirələrdə
mövzuya, problemə, yazıçı mövqeyinə, tənqidi
münasibətini əsaslandırır, fərqli fikirlərə dözümlülük nümayiş etdirir.
5.
Müşahidələrinə, əlavə məlumatlara əsaslanmaqla əsərin
ideyasına, probleminə münasibət bildirir, ümumiləşdirmələr aparır, nəticə
çıxarır
Dərsin
tipi: induktiv
Üsul: suallar, müzakirə, beyin həmləsi
Təchizat: iş vərəqləri, markörlər, dərslik
1.
Motivasiya
..........................................4 dəq.
2.
Tədqiqatın
aparılması...................... 10 dəq.
3.
Məlumat
mübadiləsi .........................10 dəq.
4.
Məlumatın
müzakirəsi və təşkili......... 8 dəq.
5.
Nəticələrin
çıxarılması ...................... 3 dəq.
6.
Yaradıcı
tətbiqetmə............................ 7 dəq.
7.
Qiymətləndirmə
,evə tapşırıq............. 3 dəq.
Cəmi: 45 dəq.
Dərsin
gedişi:
I.
Motivasiya(4 dəq.). Dərsin başlanğıcında mövzunun tapılması üçün müxtəlif
variantlar seçilə bilər. Onlardan üçünü diqqətinizə təqdim edirik. Hər üç
variant keçərlidir. Dərs zamanı onlardan birini istifadə etmək lazımdır.
1. Müəllim dərsin başlanğıcında mövzunun
tapdırılması üçün belə bir cümləni səsləndirir:
Zaman onlardan uzaqlaşdıqca,
onlar xalqına, onun mənəviyyatına daha yaxın olurlar. Klassiklərimizə tale məhz
belə bir mənalı ömür bəxş etmişdir. Sonra müəllim şagirdlərə müraciət edir. Eşitdiyiniz cümlənin mənasına və məzmununa münasibətinizi bildirin. Şagirdlərin təəssüratları
alındıqdan sonra yenidən onlara müraciət olunur: - Uşaqlar, sizcə bu gün biz nədən söhbət açacağıq? Təbiidir ki,
şagirdlər klassiklərimizdən, qədim dövrdə yaşayıb yaradan böyük sənətkarlarımızdan
söhbət açıla biləcəyi fikrini irəli sürürlər. Müəllim onların fikrini təsdiqləyərək
dərsin mövzusunu dəqiq şəkildə lövhəyə
qeyd edir: "Qədim dövr Azərbaycan ədəbiyyatı".
2. Müəllim klassik irsimizin ədəbiyyatımızın
inkişafında rolu barədə maraqlı bir fikri şagirdlərin nəzərinə çatdırır: Azərbaycan
bədii və ictimai fikir tarixi özündən
sonra gələn yazarlar və mənsub olduğu xalq
üçün həmişə qürur və iftixar mənbəyi
olmuşdur. Şagirdlər fikri dinlədikdən
sonra onlardan soruşulur. Bu fikri necə
qəbul edirsiniz? Ona münasibət
bildirin. Şagirdlərin mülahizələri dinlənilir. Sonra müəllim onlara ikinci
bir sual ünvanlayır: Necə bilirsiniz,
biz bu gün nədən söz açacağıq? Şagirdlərdən "qədim ədəbiyyat",
"klassik ədəbiyyat" sözləri
alınan kimi mövzunun adı dəqiq formada lövhəyə qeyd olunur: "Qədim dövr Azərbaycan
ədəbiyyatı".
3. Müəllim
S.Vurğundan belə bir misraları xatırladır:
Ölməz könül, ölməz əsər,
Nizamilər, Füzulilər,
Əlin qələm, sinən dəftər,
De gəlsin hər nəyin
vardır,
Deyilən söz
yadigardır.
- Uşaqlar,
bu şeir parçasının haradan götürüldüyü Sizə yaxşı məlumdur. Gəlin bu parçaya
münasibət bildirək. Burada nədən söhbət gedir? Bu misralar Sizə hansı hissləri aşılayır? Birinci
iki misranın məzmununa, sonra isə digərlərinə diqqət yetirin. Onlarda nədən söhbət açılır? ... Sizcə, bu gün biz nədən
söhbət açacağıq? Şagirdlərdən belə bir cavablar alına bilər: ədəbiyyatımızın yaradıcılarından, klassik sənətkarlarımızın
irsindən və s. Müəllimlim onların fikirlərinin düzgün olduğunu söyləyir və
mövzunu dəqiq şəkildə lövhəyə qeyd edir.
Mövzu tapdırıldıqdan sonra tədqiqat sualı ortaya qoyulur və o,
lövhəyə yazılır: - Sizcə, qədim dövr Azərbaycan
ədəbiyyatı mövzu və janr baxımından hansı keyfiyyətlərə malik ola bilərdi? Şagirdlərin ilkin ehtimalları alınır və
lövhəyə qeyd olunur.
II.
Tədqiqatın aparılması(10 dəq.).
Şagirdlər qruplara bölünür. Hər qrupa müvafiq tapşırıq verilir, tədqiqatın
vaxtı və qiymətləndirmə meyarları elan edilir.
1-ci qrup: Ortaq bədii nümunələrdə əksini tapan mühüm mənəvi,
əxlaqi-etik dəyərləri müəyyənləşdirir qeyd edin.
2-ci qrup: Qədim inanclar və mənəvi dəyərlərlə bağlı
"Avesta"da, "Kitabi-Dədə Qorqud" dastanında əksini tapan
xüsusiyyətləri qeyd edin.
3-cü qrup: Qədim Türk dastanları ilə "Dədə Qorqud" dastan üçün ortaq olan cəhətlər
barədə qeydlər aparın. Dastanın bu günümüz üçün əhəmiyyəti barədə fikirlərinizi
qeyd edin.
4-cü qrup: Azərbaycan ədəbiyyatının qədim dövrdə hansı
dillərdə, hansı janrlarda yaranmasına dair məlumatları toplayın. Səbəbini göstərməyə çalışın. Mətndəki
çətin sözləri müəyyənləşdirin.
5-ci qrup: Yazlı ədəbiyyatımızın nümayəndəsi Qətran Təbrizi,
Məhsəti Gəncəvi və Xaqani Şirvani yaradıcılığına əsərlərinin ideyasına, probleminə münasibət
bildirin, ümumiləşdirmələr apararaq qənaətlərinizi qeyd edin.
III.
Məlumat mübadiləsi(10 dəq.). Vaxt bitdikdən sonra qrupun təmsilçisi tədqiqatlarının
nəticələri ilə sinif yoldaşlarını tanış etməyə başlayırlar. Müəllim reqlamenti
elan edir(hər çıxışa 2 dəq.) və təqdimatlara başlanılır. Hər bir təqdimata
sinifdən sual verilə bilər. Sonda təqdimatlara
ümumi qiymət verilir.
IV.
Məlumatın müzakirəsi və təşkili(təsnif olunması, qruplaşdırılması)(8 dəq.). Müəllim iş vərəqlərindəki
məlumatların müzakirəsini həyata keçirməyə
başlayır. Onlar arasında əlaqələr qurur, oxşar cəhətləri tapdırır. Əsas fikri həmin
dövrdəki ədəbi nailiyyətlərin dəyərinin düzgün tutulmasına yönəldir. Bu zaman
aşağıdakı yardımçı suallardan da istifadə oluna bilər:
-
Qədim
dövr ədəbiyyatımızı, ortaq türk
dastanlarımızı səciyyələndirən hansı
xüsusiyyətlərlə tanış olduq?
-
Bu
dövrün ədəbi nailiyyətləri hansılar idi? Onların dəyəri nədən ibarət idi?
-
Ədəbiyyatımızın
fərli dillərdə yaranmasına səbəb nə idi?
-
"Avesta"
və "Dədə Qorqud" dastanını hansı cəhətlər birləşdirə bilər?
-
Qətran
Təbrizi, M. Gəncəvi, X. Şirvani irsinin bizim üçün dəyəri nə ola bilər?
Müəllim təqdimatlarda əksini tapan ortaq məsələləri
müəyyən etdirir və şagirdlərin yekun qənaətini ortaya qoydurur.
V.
Nəticənin çıxarılması(3 dəq.). Bu mərhələdə yekun qənaətlərlə motivasiya mərhələsində irəli sürülən tədqiqat
sualı və ona verilən ilkin cavablar (fərziyyələr) müqayisə edilməyə başlanır. Nələrin
üst-üstə düşdüyü, nələrin yeni olduğu ortaya çıxarılır.
VI.
Yaradıcı tətbiqetmə(7 dəq.). Bu mərhələdə şagirdlərə təklif
edilir ki, onlar bu dövr ədəbiyyatını başqa cür necə görmək istədiklərini qeyd
etsinlər. Tapşırığın icrasına vaxt verilir və vaxt bitəndən sonra 5-6 nəfərin
yazısı oxunur.
VII. Qiymətləndirmə və ev tapşırığı(3 dəq.).
Bu mərhələdə formativ qiymətləndirmə aparılır, ev
tapşırıqları elan olunur.
======================================
Ədəbiyyat zəngin bir məbədgahı xatırladır.
Bu məbədgahın ucaldılmasında bir çox sənətkarlar iştirak etmişlər. O,
damla-damla toplanaraq belə bir görkəmli simaya malik olmuşdur. Onun hər bir guşəsində insan mənəviyyatı, arzular
və hisslər dünyası dayanır. Ədəbiyyat müəllimi tarixi-ədəbi səciyyəli icmal mövzularını tədris edəndə
çalışmalıdır ki, bu məbədgahın bir kərpicinə belə xələl gətirilməsin, əksinə,
onların hər birinə, bu kərpici həmin məbədgaha bəxş edənlərə vurğunluq,
iftixar və qürur hissləri aşılasın.
[1]
İcmal mövzularının tədrisi üçün alt-standartları onun məzmununda əksini tapan əsərlərə
görə qoymaq lazımdır. Hər üç məzmun xəttindən seçməklə.
Комментарии
Отправить комментарий